مواصفات وسعر هاتف ASUS ROG2 المخصص للالعاب - The OneTech
  • مواصفات وسعر هاتف ASUS ROG2 المخصص للالعاب

    منذ سويعات قليلة تم الاعلان عن جودزيلا هواتف الالعاب ASUS ROG 2
    و اللي ببساطة هيخليك تفكر الف مرة قبل ما تقول على اي هاتف انه مخصص للالعاب الا بعد مقارنته بهاتف ROG2
    و علشان تفهم سبب ده فاليك المواصفات المبهرة
    1-الشاشة و هي من اهم مميزات الجهاز فهي بحجم 6.5 انش و بدقة FHD+  و من نوع اوليد لحد كده عادي اللي م عادي بقى هو معدل تحديث الشاشة 120 هرتز و اللي هو الاعلى على اي شاشة اوليد 

    ازيدك من الشعر بيت معدل تحديث طبقة اللمس 240 هرتز اعلى الضعف تقريبا عن اي شاشة في اي هاتف 
    الشاشة تدعم نظام HDR و تقدر تخليها 60 او 90 هرتز علشان تحافظ على البطارية 
    و البصمة تحت الشاشة 
    2-البطارية و ما ادراك ما البطارية 6000 م امبير و تدهم الشحن بقدرة 30 وات و البطارية عبارة عن جزئين بيساعدوا في توزيع الوزن بشكل مثالي و في نفس الوقت تقدر تستخدم الجعاز و هو على الشاحن بدون ما تقلق من الحرارة الشركة بتقول انك تقدر تلعب pubg اكتر من 7 ساعات على وضعية 60 هرتز للشاشة 
    3-الجهاز او هاتف في العالم بمعالج سنابدراجون 855+ و الللي سنابدراجون كسرت فيه السرعة اكتر من الجيل السابق و ده معناه حرارة اكبر 
    لكن اسوس بتقولك ماتقلقش لان الجهاز مزود بغرفة بخار و سوائل للتبريد ممتدة على ظهر الهاتف و لو ده مش كفاية فعندة مروحة بتركب في الظهر اسمها active intercooler و دي بتققل الحرارة 5 درجات مئوية 
    4-نظام الصوت طبعا استيريو مواجه للمستخدم لكن اسوس كبرت غرف تعظيم الصوت فبقى اعلى مرتين و نصف من الجيل السابق و كمان الجهاز فيه 4 مبكروفونات علشان المحادثات في الالعاب 
    5-الجهاز فيه محركين هزاز واحد يمين و الثاني يسار و بيتحركوا في الاتجاهات الفراغية الثلاثة علشان نظام haptic feedback في الالعاب 
    6-الجهاز فيه 3 مخارج USB c و كمان مدخل 3.5 م للسماعات 
    7 الجهاز هيكون بنسخة 12 جيجا رام و ذاكرة داخلية 512 جيجا من نوع. UFS3.0 الاسرع على مستوى الهواتف 
    8- الجهاز فيه كاميرا خلفية بدقة 48 ميجا بكسل بفتحة عدسة 1.8 و كاميرا 13 ميجا بكسل زاوية عريضة 
    و كاميرا أمامية بدقة 24 ميجا بكسل الجهاز مش للتصوير عموما لكن الكاميرات جيدة الى حد كبير 
    9-نظام تشغيل الجهاز خيكون زي معظم هواتف الالعاب كأنه نظامين نظام لإستعمال الهاتف بصورة طبيعية و نظام للألعاب لاستغلال كل طاقة الجهاز 
    10-الجهاز هييجي بمجموعة كبيرة من الاكسسوارات لتحسين التجربة زي الصور 
    للأسف لسة مفيش معلومات مؤكدة عن السعر لكن فور توافرها هنعلق عليها 
    شارك التدوينة :
    Hamza ouabil
    يسعدنا تفاعلكم بالتعليق ولكن نرجو منكم أن يكون خاص بالموضوع